វិធីព្យាបាលជ្រូកពុលចំណី
ជ្រូកពុលចំណី ច្រើនលេចចេញនូវរោគសញ្ញាដូចជា ៖– ខ្នងកោង– ហៀរទឹកមាត់– ដំណើរទ្រេតទ្រោត– ជ្រូកញាក់– ជ្រូកខ្សោយកម្លាំង– មានហូរឈាមចេញតាមមាត់ វិធីការពារ ៖– កុំព្រលែងជ្រូកឱ្យដើរស៊ីតាមវាលឱ្យសោះ បន្ទាប់ពីបាញ់សម្លាប់សត្វល្អិត– រក្សាចំណីឱ្យស្ងួត កុំឱ្យដុះផ្សិត– កុំឱ្យសត្វស៊ីមើមដំឡូងមី ឬសំបកដំឡូងមីឆៅ ។ យកល្អ កុំព្រលែងសត្វឱ្យដើរស៊ីឆ្ងាយ គឺឱ្យនៅត្រឹមតែបរិវេណទីធ្លាជុំវិញផ្ទះ ដើម្បីចៀសវាងនូវការដើរស៊ីចំណីផ្តេសផ្តាស ដែលបណ្តាលឱ្យពុល ឬឆ្លងមេរោគផ្សេងៗ ។ វិធីព្យាបាល ៖– ប្រសិនបើយើងដឹងច្បាស់ថា ជ្រូកពុលដោយស៊ីសំបកដំឡូងមី ចាំបាច់ត្រូវបញ្ច្រកប្រេងដូងប្រហែលមួយកែវ សម្រាប់ជ្រូកជំទង់ ។ ធ្វើយ៉ាងនេះ ដើម្បីឱ្យវាក្អួតចេញមកវិញ ឬបន្ថយនូវការសំរូបជាតិពុល ។ – បើសិនជាយើងមិនដឹងច្បាស់ថា វាពុលដោយសារអ្វី យើងអាចយកពងមាន់ ឬពងទា៦ ទៅ៧គ្រាប់ លាយជាមួយស្ករ១ពែង ហើយបញ្ច្រកវា ។ កម្រិតនៃការប្រើនេះ សម្រាប់ជ្រូកទម្ងន់៧០គីឡូក្រាម ។ ដកស្រង់ចេញពីសៀវភៅ មេរៀនកសិករ របស់អង្គការសេដាក ៕ ជ្រូកពុលចំណី ច្រើនលេចចេញនូវរោគសញ្ញាដូចជា ៖– ខ្នងកោង– […]
វិធីព្យាបាលជំងឺចុងអង្ករលើសត្វជ្រូក
អ្វីជាជំងឺចុងអង្ករ ៖ជំងឺចុងអង្ករ ជាជំងឺឆ្លងរាតត្បាតពីមនុស្សទៅសត្វ ពិសេសមនុស្ស គឺជាប្រភពចម្លងមួយយ៉ាងសំខាន់ ។ មូលហេតុនៃជំងឺ ៖មូលហេតុដែលបណ្តាលឱ្យជ្រូកកើតជំងឺនេះ ដោយសារជ្រូកបានទៅស៊ីលាមកមនុស្ស ដែលមានតេនញ៉ា ហើយពងតេនញ៉ានេះ ចូលទៅក្នុងពោះវៀនជ្រូក រួចបន្តញាស់ទៅជាកូនដង្កូវមិនទាន់ពេញវ័យមួយ ហៅថា កូនឡាវ ។ កូនឡាវនេះ ជ្រៀតចូលក្នុងប្រព័ន្ធឈាម រួចទៅក្នុងសាច់ដុំផ្សេងៗ នៃខ្លួនជ្រូក ។ បន្ទាប់មក កូនដង្កូវឡាវនេះ ក្លាយជាគិស្ត ។ ចំណែកមនុស្សកើតជំងឺតេនីញ៉ានេះ តាមរយៈការហូបសាច់ជ្រូកដែលផ្ទុកដោយគិស្តដែលមិនឆ្អិនល្អ ។ ចំពោះជ្រូកដែលកើតជំងឺតេនីញ៉ានេះ លេចចេញនូវរោគសញ្ញាដូចជា ៖លេចចេញនូវគ្រាប់ចុងអង្ករតូចៗ ដែលហៅថា គិស្តនៅគល់អណ្តាត ។ យើងអាចឃើញគិស្តនេះបាន នៅពេលយើងទាញអណ្តាតជ្រូកកើតជំងឺនេះ ចេញមកក្រៅ ហើយយកក្រណាត់ស្អាតជូតគល់អណ្តាតឱ្យស្ងួត រួចយកដៃស្អាតស្ទាបសើរៗ លើគល់អណ្តាតនោះ ដើម្បីរកមើលគ្រាប់គិស្តនោះ ។ នេះជាមធ្យោបាយតែមួយគត់ ដែលយើងអះអាងថា ជ្រូកកើតជំងឺនេះ ឬអត់ ។ ការការពារ ៖ដោយសារជំងឺនេះជាជំងឺឆ្លង យើងត្រូវមានវិធានការការពារឱ្យបានល្អ គឺត្រូវសម្អាតឱ្យស្អាតជានិច្ចនៅជុំវិញលំនៅដ្ឋាន និងកន្លែងជ្រូករស់នៅ ដើម្បីការពារកុំឱ្យជ្រូកទៅស៊ីលាមកមនុស្ស ដែលបង្កឱ្យមានការឆ្លងរាលដាលបន្តគ្នា គឺមនុស្សត្រូវបន្ទោរបង់នៅក្នុងបង្គន់អនាម័យជានិច្ច […]
ការរឹតត្បិតការនាំចូលជ្រូកមិនមែនជាមូលហេតុធ្វើឲ្យសាច់ជ្រូកឡើងថ្លៃទេ
ក្រសួងកសិកម្មរុក្ខាប្រមាញ់និងនេសាទ បញ្ជាក់នៅថ្ងៃទី៩ខែមិថុនា ថា ក្នុងរយៈពេលជាង៥ខែ នៃឆ្នាំ២០២០នេះ តម្លៃជ្រូករស់មានចន្លោះពី១១,០០០រៀល ទៅ១២,០០០រៀលក្នុងមួយគីឡូក្រាម។ ប៉ុន្តែតម្លៃជ្រូក ទើបតែកើនឡើងក្នុងរយៈពេល២ ទៅ៣ថ្ងៃនេះ ក្នុងមួយគីឡូក្រាមកើនដល់ចំនួន១៤,២០០រៀល ហើយការកើនឡើងនេះទៀតសោត មាននៅតាមកន្លែងមួយចំនួនប៉ុណ្ណោះ។ រីឯការលក់សាច់ជ្រូកនៅលើទីផ្សារថ្លៃចន្លោះពី១៨, ០០០ ទៅ ២២, ០០០រៀលក្នុងមួយគីឡូក្រាម គឺដោយសារក្នុងដំណាក់កាលផ្ទុះជំងឺកូវីដ១៩។ ក្រសួងពន្យល់ថា ស្ថិតក្នុងដំណាក់កាលកូវីដ-១៩ កម្មវិធីជួបជុំធំៗ និងពិធីផ្សេងៗមិនត្រូវបានរៀបចំ ហើយភោជនីយដ្ឋាននានាមិនដំណើរការ ធ្វើឲ្យអាជីវករលក់តែសាច់ជ្រូកសុទ្ធនៅលើទីផ្សារ ចំណែកឯឆ្អឹង ជើង និងគ្រឿងក្នុង មិនត្រូវបានប្រើប្រាស់ឲ្យអស់លទ្ធភាពឡើយ។ ដូច្នេះ តម្លៃដែលអាជីវករអាចលក់រកប្រាក់ចំណេញបាន គឺត្រូវបូកបញ្ចូលថ្លៃទាំងអស់មកលើសាច់តែម្ដង។ អគ្គនាយកដ្ឋានសុខភាពសត្វបានបញ្ជាក់ថា ការគ្រប់គ្រងការនាំចូលជ្រូករស់ ពីបរទេសមកផ្គង់ផ្គង់ទីផ្សារកម្ពុជា មិនពាក់ព័ន្ធនឹងអំពើពុករលួយឡើយ ផ្ទុយទៅវិញសមាគមចិញ្ចឹមសត្វកម្ពុជាបានជំរុញនិងលើកទឹកចិត្តសមាជិកសមាគម ក៏ដូចជាកសិករ ឲ្យពង្រីកកសិដ្ឋានចិញ្ចឹមសត្វ និងការចិញ្ចឹមជាលក្ខណៈគ្រួសារ។ ជាក់ស្តែងរយៈពេល៥ខែដើមឆ្នាំ ២០២០នេះ អគ្គនាយកដ្ឋានទទួលបានការស្នើសុំបង្កើតកសិដ្ឋាន២៣កន្លែង (ខ្នាតធំ៧កន្លែង ខ្នាតមធ្យម២កន្លែង និងខ្នាតតូច ១៤កន្លែង) បើធៀបនឹងឆ្នាំ២០១៩ ពេញមួយឆ្នាំទទួលបានការស្នើសុំបង្កើត ក៏សិដ្ឋានតែចំនួន១០កន្លែងប៉ុណ្ណោះ។ រីឯការនាំចូលមេជ្រូកពូជមានចំនួន១៤,០០០ក្បាល ក្នុងរយៈពេល៥ខែ ដើមឆ្នាំ២០២០ ដែលមានការកើនឡើងខ្ពស់បើធៀបនឹងឆ្នាំ២០១៩ គឺការនាំចូលមានត្រឹម […]
លក្ខណៈទូទៅនៃជ្រូកពូជឌុយរ៉ុក
ប្រភព៖ ពូជនេះ មានដើមកំណើតនៅភាគឦសាននៃប្រទេសអាមេរិក ។ គេបង្កាត់ចេញពីពូជជ្រូកសំបុរក្រហមនៅប្រទេសហ្គីណេ ជ្រូកក្រហមនៅអេស្ប៉ាញ និងព័រទុយហ្គាល់ រួមទាំងជ្រូកនៅអាមេរិកផងដែរ ។ លក្ខណៈខាងក្រៅ៖ ជាជ្រូកពណ៌ក្រហម ឬពណ៌ត្នោត ក្បាលស្រាលរាងផត ស្លឹកត្រចៀកបាក់បន្តិច ជើងវែង ភ្លៅចង្អៀត ពូកែធន់នឹងការលំបាក ។ លើសពីនេះ វាជាពូជដែលពូកែស៊ីអាហារ ធំលឿន ជាពូជជ្រូកដែលកូតកាត់គុណភាពល្អ បើប្រៀបធៀបពីគុណភាពសាច់ គឺខ្លាញ់ច្រើនជាងពូជឡែនដ្រាស តែក៏ល្អជាងពូជក្នុងស្រុក ។ ជ្រូកពូជនេះ ធន់នឹងមជ្ឈដ្ឋានដែលស្ថិតនៅជុំវិញបានល្អ បើទោះបីជាចិញ្ចឹមដោយអាហារមិនសូវល្អក៏ដោយ គឺអាចចិញ្ចឹមដូចជាពូជជ្រូកក្នុងស្រុកដែរ ។ សមត្ថភាពផលិតកម្ម៖– ពូជជ្រូកនេះ ផ្តល់កូនជាមធ្យមក្នុងមួយសំបុកចំនួនពី ១០-១១ក្បាល ស្រួលចិញ្ចឹម និងមិនសូវមានជំងឺ ។– ពូជកូនកាត់រវាងពូជឌុយរ៉ុក ជាមួយពូជជ្រូកដទៃទៀត គឺជាពូជដែលចិញ្ចឹមឆាប់ធំ ហើយឱ្យសាច់ក្រហមច្រើន ។ នៅអាមេរិក ជ្រូកឌុយរ៉ុក ក្តោបតួនាទីចំបងក្នុងការនាំចេញ បើធៀបជាមួយជ្រូកដទៃទៀត ។ ពូជជ្រូកនេះ ត្រូវបានទទួលនូវការពេញចិត្ត និងកោតសរសើរយ៉ាងពិតប្រាកដពីអ្នកចិញ្ចឹមនៅក្នុងប្រទេសប៉ែកអាស៊ីអាគ្នេយ៍ ។ (រៀបរៀងដោយ៖ គង់ ឧត្តម | ដកស្រង់ចេញពី […]
បទពិសោធន៍ល្អគួរតែអនុវត្តន៏តាម ! បច្ចេកទេសចិញ្ចឹមជ្រូកមេចំណាយតិច ចំណេញច្រើន
លោកពូ អៀម រីម ជាពេទ្យសត្វម្នាក់រស់នៅភូមិឃ្ជាយខាងត្បូង ឃុំដងទង់ ស្រុកដងទង់ ខេត្តកំពត មានបទពិសោធន៍ចិញ្ចឹមជ្រូកមេ ព្រមទាំងចេះព្យាបាលថែមទៀតផង ។ បទពិសោធន៍នេះ គាត់ចេះពីការរៀនសូត្រផ្នែកពេទ្យសត្វ និងដោយមានការរួមផ្សំពីការមើលឯកសារតាមរយៈទស្សនាវដ្តីកសិកររបស់អង្គការសេដាក ។ បច្ចុប្បន្នលោកពូចិញ្ចឹមមេជ្រូក ១ ក្បាល និងជ្រូកសាច់ ៥ ក្បាល ។ ខាងក្រោមនេះជាបទពិសោធន៍របស់គាត់ក្នុងការចិញ្ចឹមជ្រូកមេ ។ទិដ្ឋភាពនៃការផ្តល់ចំណីជ្រូក១. របៀបជ្រើសរើសពូជជ្រូកពូជជ្រូកដែលលោកពូទិញមកជាពូជជ្រូក មេថៃ ដោយទិញមកពីភូមិជិតខាង គឺភូមិធំថ្មី ។ ក្នុងការទិញនេះគាត់ជ្រើសរើសយកជ្រូកញីដែល មានលក្ខណៈដូចខាងក្រោម: – សុខភាពល្អ – ជើងមាំ និងខ្ពស់ល្មម – មានដោះច្រើន និងមិនខ្វាក់ – ខ្នងមាំ រាងកោង ស្មាទូលាយ លក្ខណៈពិសេសរបស់ជ្រូកនេះ គឺមានត្រចៀកធំ និងចិញ្ចឹមបានឆាប់ធំ ។ ២. ទ្រុងកន្លែងសង់ទ្រុង គឺនៅជាយភូមិចំងាយពីផ្ទះប្រហែល ១៥ ម៉ែត្រ ហើយមានដំបូលប្រក់ស្លឹក របងឈើ និងមានចាក់សាប […]
វិធីធ្វើទ្រុងជ្រូក និងស្នូកចំណីឲ្យបានត្រឹមត្រូវ
+សម្ភារត្រូវមាន-ស្លឹកដូង ស្លឹកត្នោត ឫស្សី កូនឈើ ស៊ីម៉ង់ត៍ ថ្មខ្សាច់ ចបកាប់ ចបជីក បង្គី ប៉ែល ញញួរ ពូថៅ ដែកគោល ជើងដំរី ខ្សែម៉ែត្រ–គួរធ្វើទ្រុងជ្រូកនៅលើដីទួលឱ្យឆ្ងាយពីផ្ទះបន្តិច ដើម្បីកុំឱ្យធុំក្លិនស្អុយ ហើយទ្រុងត្រូវមានពន្លឺ និងខ្យល់ចេញចូលគ្រប់គ្រាន់–លើកដី បំពេញកន្លែងធ្វើទ្រុងកំពស់ ៣០សង់ទីម៉ែត្រ–បុកបង្ហាប់ដីឱ្យស្មើ និងឱ្យមានជំរាលបន្តិច–រួចចាក់សាបកំរាស់ពី ៣ ទៅ ៤ សង់ទីម៉ែត្រ–ដាំបង្គោលមេចំនួន ៤ដើម ដែលមានកំពស់ ១.៨ម(ម៉ែត្រ) នៅតាមជ្រុងនីមួយៗ និងដាំបង្គោលកន្លោង ២ដើម កំពស់ ២.៥ម–យើងចាក់សាបដើម្បីងាយស្រួលក្នុងការសំអាតទ្រុង និងប្រមូលកាកសំណល់(លាមក និងទឹកនោម) សំរាប់ធ្វើជីដាក់ដំណាំ–ទ្រុងជ្រូកមានទំហំ ២,៥ម X ២ម អាចដាក់ជ្រូកសាច់បានចំនួន ៤ក្បាល–ដាំ បង្គោលកំពស់ ១ម នៅចន្លោះបង្គោលមេ ដើម្បីងាយស្រួលវាយរបាជុំវិញ និងឱ្យមានភាព រឹងមាំ–រៀបចំគ្រឿងដំបូលបំពាក់ពីលើបង្គោល សំរាប់ប្រក់ដំបូល–វាយរបាជុំវិញទ្រុង ដោយទុកចន្លោះប្រហែល ១៥ស.ម ចំពោះរបាទី១ ដល់ទី៣ ផ្នែកខាងក្រោម ហើយចំពោះរបាបន្ទាប់មកខាងលើ ត្រូវទុកចន្លោះ […]
ជំងឺផ្តាសាយជ្រូកថ្មី ហៅវីរុស G4 ដែលអាចនឹងចម្លងពីមនុស្សម្នាក់ទៅមនុស្ស
ចិន ៖ អ្នកទាំងអស់គ្នាប្រហែលជាគិតថា ឆ្នាំនេះ អាក្រក់អស់ត្រឹមកូវីដ១៩ហើយ តែនៅពេលនេះស្រាប់តែគេរកឃើញជំងឺផ្តាសាយជ្រូកប្រភេទថ្មី ដែលអាចឆ្លងមកមនុស្សនៅក្នុងប្រទេសចិន។ មេរោគនេះ ត្រូវបានក្រុមអ្នកស្រាវជ្រាវចិនកំណត់ថា ជាវីរុស G4។ វាត្រូវបានផ្ទុកដោយសត្វជ្រូក តែក៏អាចចម្លងមកមនុស្សបានផងដែរ។ យោងតាមអត្ថបទមួយដែលត្រូវបានចេញផ្សាយកាលពីថ្ងៃច័ន្ទ ក្នុងអត្ថបទវិទ្យាសាស្ត្រចំណងជើងថា «Proceedings of the National Academy of Sciences» បានឱ្យដឹងថា វីរុស G4 មាននៅក្នុងសត្វជ្រូកជាយូរណាស់មកហើយ និងបានឆ្លងទៅមនុស្សផងដែរ នៅក្នុងខេត្ត Hebei និង Shangdong។ ខណៈពេលដែលវាមិនត្រូវបានគេជឿថា អាចចម្លងពីមនុស្សទៅមនុស្ស ដែលធ្វើឱ្យអ្នកជំនាញមានការព្រួយបារម្ភថា វាអាចនឹងមានការប្រែប្រួលអាចទៅជាបែបនេះបាន ហើយបង្កទៅជាការរាតត្បាតលក្ខណៈពិភពលោក ដូចជាអ្វីដែលយើងកំពុងប្រឈមនឹងកូវីដ១៩ នាពេលបច្ចុប្បន្ន។ វីរុសនេះ គឺកើតចេញពីវីរុស H1N1 ដែលបានផ្តាច់ជីវិតមនុស្សពី ១៥០,០០០ ទៅ ៥៧៥,០០០នាក់ នៅទូទាំងពិភពលោក ក្នុងកំឡុងពេលមានការរាតត្បាតជាលក្ខណៈសកលលោកកាលពីឆ្នាំ២០០៩។ ក្រុមអ្នកជំនាញបាននិយាយថា ខណៈដែល G4 មិនមែនជាបញ្ហាបន្ទាន់ទេ វាតម្រូវឱ្យមានការត្រួតពិនិត្យយ៉ាងតឹងរឹង ដើម្បីធានាថា វាមិនប្រែក្លាយជាសោកនាដកម្មសុខភាពពិភពលោកមួយទៀត៕ ដកស្រង់ចេញពីវេបសាយ […]
លក្ខណៈទូទៅនៃពូជជ្រូកយ៉កសៀរ
ប្រជាកសិករ និយមចិញ្ចឹមពូជនាំចូលពីបរទេស ដើម្បីទុកបង្កាត់ជាមួយពូជក្នុងស្រុក ។ ពូជកូនកាត់នឹងអាចផ្តល់ការលូតលាស់លឿនជាង ទំហំធំជាង និងលក់បានថ្លៃទៀតផង ។ ពូជជ្រូកយ៉កសៀរ ជាប្រភេទពូជនាំចូលពីបរទេស ។ ពូជនេះ មានដើមកំណើតនៅតំបន់យ៉កសៀរ (Yorkshire) ប្រទេសអង់គ្លេស នៅទីនោះគេហៅថា Large White ។ នៅចុងសតវត្សទី១៩ ប្រទេសអាមេរិក និងកាណាដា បាននាំពូជជ្រូកនេះចូល ហើយគេហៅវាថា យ៉កសៀរ ។ សព្វថ្ងៃ ពូជនេះ បានក្លាយជាពូជជ្រូកអន្តរជាតិ ដោយសារវត្តមានរបស់ពួកវាមាននៅគ្រប់ទិសទីលើភពផែនដី ។ កាលពីដើម ពូជជ្រូកយ៉កសៀរ ជាពូជជ្រូកដែលមានជើងវែង មាឌមាំ ត្រចៀកធ្លាក់ ទ្រូងសំប៉ែត រោមរឹងពណ៌ស ជួនកាលក៏មានពណ៌ប្រផេះ ឬបៃតងស្រាល ។ គេបាយកយកវាទៅបង្កាត់ជាមួយពូជ New Leicester ដល់ឆ្នាំ ១៨៥២ ទើបបង្កាត់បានជាពូជយ៉កសៀរថ្មីដូចពេលនេះ ។ លក្ខណៈខាងក្រៅ៖ ពូជជ្រូកមានការលូតលាស់ល្អ មានគ្រោងឆ្អឹងមាំ មាឌធំ ខ្លួនវែងធំស្មើពីស្មាដល់គូទ ប៉ុន្តែស្រឡះល្អ ដំណើររវៀសរវៃ រោមទន់ពណ៌ស […]
ការថែទាំមេជ្រូកផើម
ការផើម ត្រូវបានបង្ហាញដូចខាងក្រោម ៖– គ្មានសញ្ញារកឈ្មោលក្រោយបង្កាត់រួចរយៈពេល២១ថ្ងៃ– ពេលឃើញជ្រូកបានៅតែមានសភាពស្ងៀមស្ងាត់មិនទៅក្បែរ– ពោះរីកប៉ោងជាបណ្តើរៗ– កន្សោមដោះទាំងពីរជួរឡើងតឹងជាបណ្តើរៗ– ស៊ីចំណី និងផឹកទឹកច្រើន ហើយរូបរាងរីកសាយធំធាត់បង្ហាញច្បាស់រយៈពេល២ខែកន្លះ ទៅ៣ខែ ប្រសិនបើយើងយកដៃទៅស្ទាបលើពោះទាំងសងខាង មានអារម្មណ៍ថាកូនក្នុងពោះមានសកម្មភាពបុកដោល ហើយពេលដល់៣ខែ ៣សប្តាហ៍ ៣ថ្ងៃ គឺពេលមេជ្រូកកើតកូន ការបំបែកមេផើមឱ្យនៅទ្រុងដោយឡែកដើម្បីឱ្យ ៖– មេផើមមិនមានការរំខានពីបា ឬមេដទៃទៀត– ការស៊ីរបស់មេផើមមិនត្រូវបានរំខានដោយសត្វដទៃទៀត– មេផើមនៅបានស្ងៀមស្ងាត់ ការថែទាំសុខភាពមេផើម ចាំបាច់ត្រូវ ៖– សម្អាតទ្រុងរួមទាំងកម្រាលឱ្យបានស្អាត– រក្សាកម្រាលទ្រុងឱ្យនៅក្នុងស្ថានភាពល្អ ចៀសវាងកុំឱ្យមានសភាពរអិល ឬក្រហូង ដែលជាហេតុធ្វើឱ្យមេរអិលដួល ឬគ្រិចជើង– ចៀសវាងកុំឱ្យជ្រូកធាត់ពេក ដែលជាហេតុធ្វើឱ្យកូនថ្លោសពិបាកកើត និងមិនសូវសំបូរទឹកដោះ– ចៀសវាងកុំឱ្យមេជ្រូកស្គមពេក ជាហេតុធ្វើឱ្យកូនកើតមកខ្សោយ សុខភាពមិនសូវល្អ ឬជួនកាលកូនអាចស្លាប់ក្នុងពោះ ដោយសារមេគ្មានកម្លាំងក្នុងការបង្កើតកូន ការផ្តល់ចំណីដល់មេផើម ៖– មិនត្រូវឱ្យមេផើមស៊ីដោយសេរីឡើយ ។ ចំពោះចំណីផ្សំត្រូវឱ្យស៊ី ២-៣ គីឡូក្រាម ក្នុងមួយថ្ងៃ ដោយឱ្យស៊ីពេលព្រឹកពាក់កណ្តាល និងល្ងាចពាក់កណ្តាល– ចំណីត្រូវមានជីវជាតិគ្រប់គ្រាន់ ដើម្បីឱ្យមេអាចចិញ្ចឹមសារពាង្គកាយរបស់វាផង និងកូនក្នុងពោះផង ជាពិសេសសារធាតុរ៉ែ និងវីតាមីន– […]
